Поздравления на чувашском языке (Салам сӑмахӗсем)
Юбиляру: Аллӑ ҫул — паллӑ ҫул (Пятьдесят лет — заметная дата).
Пожелание уезжающим (путешественнику): Каяс ҫул такӑр пултӑр, ларас вырӑн типӗ пултӑр! (Пусть дорога для ходьбы будет ровной, а место для отдыха — сухим!)
Пожелание невесте: Ӗмӗрӳ сурпан пек вӑрӑм пултӑр, хушпу кӗмӗлӗ пек ҫутӑ пултӑр! (Пусть век будет долгим как сурбан, светлым как монета на хушпу! )
Пожелания юбиляру:
Сакӑр сӑхман, хӗрӗх кӗпе ҫӗтмелле пултӑр! (Износить вам восемь кафтанов, сорок пар белья!)
Пурӑнас ӗмӗр вӑрӑм пултӑр, вилес кун канлӗ пултӑр (Чтобы жизнь была долгой, смертный день — спокойным).
Сывлӑху чӑваш юманӗ пек ҫирӗп, ӗмӗрӳ аслӑ Атӑл пек анлӑ, утас ҫулу такӑр, вӗҫес пӗлӗтӳ уяр пултӑр. Мӑнукусем куҫ тулли телей парнелеччӗр, сӑн-питӳ ялан савӑнӑҫпа ялкӑштӑр, ҫӗр ҫинчи мӗн пур таси, ырри, телей кӳрекенни санпа пӗр ҫулпа уттӑр.
Ан чирле, ан ватӑл нихӑҫӑн, пул хаваслӑ, кӑмӑллӑ ялан.
Ӑшшуна паратӑн ҫке чунтан, эсӗ хаклӑ пире ылтӑнран.
Ҫул хыҫҫӑн ҫул иртсе хыҫӑ юлсан та,
Эс уншӑн ан кулян, ан пӑшӑрхан,
Пул сывлӑхлӑ ялан, ҫапла пулсассӑн –
Укҫаллӑ этемрен те эс пуян.
Юман пек ҫирӗп сывлӑх, сурпан пек вӑрӑм ӗмӗр, иксӗлми телей сунатпӑр.
Саншӑн ҫутаттӑр илемлӗ ҫут ҫалтӑр,
Саншӑн ҫӗклентӗр ӑшпиллӗ хӗвел.
Савӑк сар кайӑк ҫӗн юрӑ ҫураттӑр,
Ырлӑх, телей кӳтӗр ҫак юбилей.
Ҫуралнӑ кунпала салам сана, аннеҫӗм
Чи ҫирӗп сывлӑх та телей сана, чӗкеҫӗм!
Тӑватпӑр тав сан ҫепӗҫ алсене,
Сан тимлӗхне, ачашӑн ҫуннине,
Чирлесен пӗр куҫ хупманнине…
Нихӑҫан та тав туса пӗтереймӗн!
Ҫак кун ҫуралнӑ эсӗ ҫӗр ҫине,
Ытарайми, чи хаклӑ ҫын –Анне!
Хурҫӑ пек ҫирӗп сывлӑх, иксӗлми телей сунатпӑр.
Пурӑнма сунатпӑр ҫӗр ҫулччен,
Пултӑр сывлӑх мӗн ватӑличчен.
Эс пурри пире савӑнтарать
Пур тӑван та сана саламлать.
Сывлӑхӑр чул пек ҫирӗп, утас ҫулӑр тумхахсӑр пултӑр, чӗрӗр ҫурхи кун пек юрлатӑр.
Нумай ырлӑх сунатпӑр
Вӑрӑм ӗмӗр пиллетпӗр.
Вӑй-халу пултӑр иксӗлми,
Утсам пурнӑҫ ҫӳлӗпе пӗр такӑнми.
Ӑшӑ чун, ырӑ кӑмӑл санра
Ҫӑлкуҫ шывӗ пекех иксӗлмест.
Тӗнчере эс пурришӗн Турра
Тав тумашкӑн сӑмах та ҫитмест.
Саншӑн ҫутаттӑр илемлӗ ҫут ҫӑлтӑр,
Саншӑн ҫӗклентӗр ӑшпиллӗ хӗвел.
Савӑк саркайӑк ҫӗн юрӑ юрлатӑр,
Сунатӑп сывлӑх та пысӑк телей.
Сирӗн пурнӑҫ – пирӗншӗн ыр тӗслӗх,
Ӑмсанатпӑр чӗререн сире.
Ҫут мерчен пек кӗмӗл тӗслӗ
Ҫӳҫӗрсем ҫинче выртать тӗтре.
Кил тӗрекӗ – атте, чун тӗрекӗ – анне,
Йышӑнсамӑр тӑван ачӑрсен саламне.
Сиртен хаклӑ ҫынсем урӑх ҫук тӗнчере,
Сирӗн ҫутӑ сӑнарӑр пирӗн чун-чӗрере.
Пире чун парса тӗрӗс-тӗкел пӑхса ӳстернӗшӗн, ӑс панӑшӑн ҫӗре ҫити пуҫ таятпӑр.
Сан сывлӑху тӗреклӗ пултӑр,
Ҫӑлкуҫ пек тӑтӑр вӑл тапса.
Телей хӗвелӗ саншӑн ҫӳнтӑр,
Ҫапла калатпӑр ыр сунса.
Сывлӑхӑр хурҫӑ пек ҫирӗп, кӑмӑлӑр сар ҫу пек ҫемҫе, пурнӑҫӑр телейлӗ пултӑр. Малашне те пархатарлӑ ӗҫре чуна хурса ӗҫлеме вӑй-хӑват сунатпӑр. Ҫумӑрта яланах ҫывӑх ҫыннӑрсемпе шанчӑклӑ тусӑрсем пулччӑр. Ачӑрсемпе савӑнса, ырӑ курса пурӑнмалла пултӑр.
Ӑшӑ чун, ырӑ кӑмӑл сирте
Ҫӑлкуҫ шывӗ пек иксӗлми.
Тӗнчере эсир пурришӗн Турра
Тав тумашкӑн сӑмах та ҫитмест.
Кӗреш юман пек ҫирӗп сывлӑх, тулӑх пурнӑҫ, тулли телей, ҫӑлкуҫ пек тапса тӑракан вӑй-хӑват сунатпӑр. Хуйхӑ-суйхӑ санран аякран пӑрӑнса ирттӗр, ӗмӗтӳсем пурнӑҫӑ кӗрсе пыччӑр. Нумай-нумай ҫул пире савӑнтарса пурӑнмалла пултӑр.
Вӑрӑм пултӑр санӑн ӗмӗрӳ,
Хурҫӑ евӗр пултӑр сывлӑху,
Ҫӑлкуҫ евӗр таптӑр вӑй-халу,
Умра ҫиҫтӗр тулли телейӳ.
Пурӑн ӗмӗр савӑнса,
Пурнӑҫ илемне туйса!
Пурнӑҫра телей пилленӗ,
Ӑс парса ырра вӗрентнӗ,
Ҫунатсем парса вӗҫтернӗ!
Ҫул хыҫҫӑн ҫул иртсе хыҫа юлсан та,
Эс уншӑн ан кулян, ан пӑшӑрхан,
Пул сывлӑхлӑ ялан, ҫапла пулсассӑн –
Укҫаллӑ этемрен те эс пуян.
Ҫакӑ чаплӑ юбилей
Кӳтӗрех сана телей.
Пач ан ватӑл, пул маттур!
Юбилей телей ҫеҫ илсе килтӗр,
Хуйхӑ-суйхӑ ирттӗр айккинчен.
Ырлӑх – сывлӑх Турӑ парнелетӗр,
Эпир хисеплетпӗр чӗререн.
Аллӑ ҫул – нумай-и вӑл, сахал-и –
Пурнӑҫ шав шӑвать-ха малалла.
Сан ҫинчен начаррине кам калӗ,
Тӗллевре – ырӑ ӗҫ тумалла!
Санпала эпир мӑнаҫланатпӑр
Тӑван халӑхшӑн чунтан тӑрӑшнӑран.
Сывлӑх, ӑнӑҫу, телей сунатпӑр,
Тав тӑватпӑр пӗтӗм кӑмӑлтан.
Ылтӑн туй ячӗпе саламлатпӑр сире,
Килӳшӳллӗн тапайтӑр ялан ик чӗре,
Пурнӑҫра юрату вӑй парса тӑрсан,
Ватлӑх тартӑр ситен аякран-аякка.
Салам сӑмахӗсене хаҫат-журнал тӑрӑх хатӗрленӗ.
Стихи о маме на чувашском языке
Стихи о маме и папе на чувашском языке
Василий Давыдов-Анатри
Юратнӑ анне.
Хӗвел пек ӑшӑ ҫыннӑм, анне,
Ҫук санран ҫывӑххи тӗнчере.
Эс кӳретӗн кнл-ҫурт илемне,
Юратса ӳстеретӗн пире.
Эй, аннеҫӗм, пӗртен-пӗр анне,
Яланах эс ҫӗклен чӗрене, —
Ҫӑлтӑр пек ҫутӑ ҫыннӑм, анне,
Ҫук санран лайӑххи тӗнчере, —
Сывлӑм пек таса чун хавалне —
Пурнӑҫна парнелетӗн пире.
Эй, аннеҫӗм, пӗртен-пӗр анне,
Яланах эс ҫӗклен чӗрене, —
Ылтӑн пек ырӑ ҫыннӑм, анне,
Ҫук санран кӑмӑлли тӗнчере, —
Ҫӗклемешкӗн Ҫӗршыв хӑватне
Ӑраскал пехиллетӗн пире.
Эй, аннеҫӗм, пӗртен-пӗр анне,
Яланах эс ҫӗклен чӗрене, —
Светлана Асамат
Парне
Апат-ҫимӗҫ тем тӗрли
Ҫакӑнтах, пӗр вырӑнта,
Пысӑкки те пӗчӗкки
Асанне те пулӑшать,
Вӑл хитре ӳкерчӗклӗ,
Ӳсрӑм, пӑхса тухрӑм.
Ҫумӑн вырнаҫса ларса
Василий Давыдов-Анатри
Атте-анне пире сыхланӑ
Мӗн пӗчӗкрен, мӗн ачаран
Атте-анне пире сыхланӑ.
Вӗсем эпир хуп сӑпкаран
Ӳксе аманасран хӑранӑ.
Атте-анне пире юратнӑ,
Сиктернӗ юрӑ юрласа,
Юмах-халап ярса йӑпатнӑ,
Йӑпатнӑ шӑпӑр каласа.
Атте-анне пире пилленӗ
Вӗҫмешкӗн кӑйкар ҫунатне,
Чун-чӗререн шанса ҫӗкленӗ,
Ялан вӗрентнӗ ҫӗрӗҫне.
Атте-анне пире ӑс пана
Ята-чыса ҫӳлте тытма.
Ӑс-хал пани ӗҫре юранӑ,
Юранӑ лайӑх ҫын пулма.
Василий Давыдов-Анатри
Эп астумастӑп аттене
Эп астумастӑп аттене.
Анчах манмастӑп ун ӗҫне:
Хаяр усал тӑшмансене
Шел, астумастӑп аттене,—
Вал вилнӗ варҫӑ хирӗнче,
Ун ячӗ халӑх асӗнче.
Эп астумастап аттене.
Сыхларӑн эс ачусене.
Анне сана ҫаплах кӗтет,
Вал ҫухалман, килетех, тет.
Шел, астумастӑп аттене,—
Вӑл вилнӗ варҫӑ хирӗнче,
Ун ячӗ халах асӗнче.
Эп астумастӑп аттене.
Тӑван ҫӗршыв — тӑван анне
Сана, хӑй улӑп-паттӑрне,
Хисеплӗ, манмӗ ӗмӗрне.
Шел, астумастӑп аттене,—
Вал вилнӗ варҫӑ хирӗнче,
Ун ячӗ халӑх асӗнче.
Валентина Тарават
Аттене асӑнса
Атте, сана аса илетӗп,
Санран халь эпӗ аслӑрах…
Ачалаха ҫитсе килетӗп,
Тус-тантӑша унта курап.
Сад пахчинче чупса ҫӳретӗп.
Сим панулми татса ҫиетӗп…
Пылак ҫырла – ывҫи-ывҫи…
Эс ҫанӑ тавӑрса ӗҫлетӗн,
Аппа-тете те тӑрӑшать…
… Ӑста эс?! Ма пит час ҫӗтетӗн?!
Мана кил-йышӑм йыхӑрать…
Юрий Семендер
Ылтӑн мар-ши эс, анне?
Ылтӑн мар-ши эс, анне?
Кӗмӗл мар-ши эс, анне?
Ылтӑн пек, ай, хаклӑ-ҫке,
Кӗмӗл пек, ай, сумлӑ-ҫке.
Ылтӑнран та пахарах,
Кӗмӗлрен те сумлӑрах.
Ҫӑлтӑр мар-ши эс, анне?
Уйӑх мар-ши эс, анне?
Ҫӑлтӑр пек хӗлхемлӗ-ҫке,
Уйӑх пек илемлӗ-ҫке.
Шӑпчӑк мар-ши эс, анне?
Е саркайӑк эс, анне?
Ҫут хӗвел, чечек, ахах –
Ырлама ҫитмест сӑмах.
Эс нимрен те лайӑхрах,
Пуринчен те хаклӑрах.
Юрий Семендер
Анне
Сана хӗвел чӗреллӗ тетчӗҫ.
Хӗвел пек лартӑн эс анса.
Хӗвел пек чунупа, аннеҫӗм,
Эс тухрӑн cap хӗвел пулса.
Сана ҫӑка ҫеҫки пек тетчӗҫ.
Пыл сӑмахушӑн тав туса.
Килти ҫӑка пекех, аннеҫӗм,
Кӗтен пире эс пуҫ тайса.
Сана ҫурхи саркайӑк тетчӗҫ,
Юрру юхатчӗ ҫаврӑнса.
Тӗнче ытамӗнче, аннеҫӗм,
Эс юлтӑн ӗмӗрлӗх пулса.
Юрий Семендер
Амăшĕн чунĕ
Хăй килне пырса пăхрĕ тет амăшĕн чунĕ.
Мăрьере тĕтĕм çук, кантăкра çутă çук.
Хулана ларса кайрĕ тет амăшĕн чунĕ
Каçхине, пуйăсра вырăнсем пушă чух.
Ачисем патне çитрĕ тет амăшĕн чунĕ,
Итлесе тăчĕ тет пĕр кана алăкран.
Куççульпех йĕрсе ячĕ тет амăшĕн чунĕ
Хваттерте ун чĕлхи, ун сăмахĕ çукран.
Александр Савельев-Сас
Анне чӗлхи
Сар хӗвел тӗнче тулли,
Ӑш сӑмах – чӗре сури.
Куҫҫӳль мар, анне юрри
Александр Савельев-Сас
Анне ӑшши
Ҫул тӳпере мӗн нумай?
Ҫутӑ ҫалтӑр – ҫав нумай.
Ҫул тӳпере мӗн пӗрре?
Сарӑ хӗвел – ҫав пӗрре.
Ҫак ҫер ҫинчемӗн йышлӑ?
Терлӗ халӑх – ҫав йышлӑ.
Ҫак ҫӗр ҫинче кам пӗрре?
Тӑван анне – ҫав пӗрре.
Хӗвел йӗрет хӑй ҫулне
Хӗвел ӑшши – тӗнчене,
Анне ӑшши – ҫемьене.
Александр Савельев-Сас
Анне ҫумра пулсан
Хӗвел йӑл-йӑл кулсан
Кӗрес килмест тултан.
Кӗрес килмест тултан
Хӗвел савса пӑхсан.
Анне пӳртре пулсан,
Тухас килмест тула.
Александр Савельев-Сас
Асанне ҫип ҫӑмхалать
Кунран-кунах хӗл енне
Шур юр ҫӗре чӑпарлать.
Ҫакна курса асанне
Алсиш ҫыхма ҫип арлать.
Йӗки тулать асаннен,
Вара ҫипне ҫӑмхалать.
Тулли йӗке майӗпен
Урай тӑрӑх кускалать.
Кушак ҫакна курнипе
Кӗҫех ӗҫе пуҫӑнать:
Ик пӗчӗк ҫеҫ урипе
Тулли йӗкене тытать.
– Маттур эс, – тет асанне,
Ырлать кушак ҫурине. –
Чӑлха ҫыхса парас, – тет, –
Геннадий Юмарт
Атте-анне
Пиллет пире пуян тӗнче.
Ҫитӗнтерет арки ҫинче.
Вӗсемсӗр курас ҫук кун-ҫул,
Ҫак ҫут тӗнчемӗр — аслӑ мул.
Сӗвӗрӗлмест кил-ҫурт ӑшши.
Ирӗклӗрех ай кил хушши.
Эс тавӑрайман ӗмӗрне.
Сан ырлӑху пине ҫитет.
Вӗсен пилне илеймесен,
Сан пурлӑху кӗлпе вӗҫет.
Пилпе пӗрле — кӑвак хуппи,
Пил илмесессӗн — ӑш хыппи.
Геннадий Юмарт
Асаттесен халалӗсем
Ват йыш юрлать кӗрекере.
Унта чун йыхравне илтен.
Асли парать те пуҫласа,
Ҫумри ар сасӑ ҫӗкленет.
Ытти тӑнланӑ пуҫ тайса
Чӗркуҫленсе тимленӗ тет.
Сӑмах янранӑ юрӑра.
Вӑл халӑх гимнӗ пек паян
Упрантӑр пирӗн пурнӑҫра.
Тӗнче ҫутимӗр хӗвеле,
Турра сума сӑвать чӑваш,
Тату пурнать кӳршипеле,
Хӑйне сӑпай тытать, йӑваш.
Ӗҫпе тӑванлӑх – пурте пур.
Ҫак пӗрлӗх пурнӑҫ асапне
Тӳсмешкӗн пулӑшнӑ маттур.
Алексей Никитин
Анне-аттепе телейлӗ
Анне аттепе телейлӗ,
Пире ҫуратнӑ савӑнма.
Кӑкӑр сӗчӗпе ӳстернӗ,
Ӑс-тӑн панӑ пурӑнма.
Пӗчӗкрен пысӑк пулатпӑр
Пурнӑҫ ҫулӗпе утатпӑр
Ывӑл-хӗрӗ чыс тусан
Атте чунӗ савӑнать.
Аш сӑмахсем каласан
Анне куҫӗ шывланать.
Атте-анне – кил ӑшши,
Пӗл эс ҫакна хаклама.
Ачисемшӗн – чун уҫҫи,
Манас марччӗ тав тума.
Стихи в электронной библиотеке
Сценарий на чувашском языке «День матери»
ЧИ ХАКЛĂ ÇЫН – АННЕ.
(ноябрь уйăхĕнче аннесен кунĕ ячĕпе ирттернĕ уяв сценарийĕ)
Тем-тем сăмах каласшăн
Вăл туртăнать хавассăн
Чи чаплă çĕр çинче.
Пурнать вăл ĕмĕр сывă
Ертуçĕ: Анне… Мĕн тери хаклă çын вăл! Мĕн тери çепĕç, çывăх та таса сăмах вăл «анне»! Тĕнчери пур чĕлхепе те вăл ачаш кĕвĕ пек янăрать.
2. Ман анне хĕвел пек
Ертуçĕ: Аннеçĕм, хаклă аннеçĕм! Кăмăлу сан ылтăн. Эсĕ ачусене турĕ чунлă, тĕрĕслĕхе юратакан çын пулма устеретĕн. Тайма пуçĕм сана.
Чунне парса устерет,
Çунат пиллет, вĕçтерет?
Кам-ха эпир чирлесен,
Начар, юлхав вĕренсен
Куçне хупмасть каçсерен?
Кам-ха эпир чирлесен,
туслăх мĕнне пĕлмесен
Атте-анне сăмахĕ пăсăк мар.
Анне пуртан кил-çуртăм ăшă.
Анне – чи хаклă çын.
Аçупа аннуне хисепле, хăвнах ырă пулĕ.
Ертуçĕ: Амăш чĕри яланах пепкишĕн пăшăрханать. Ачи кăшт çеç нăйкăшсанах ун патне васкать вăл, юрă юрласа, сăпка сиктерсе лăплантарать.
Хăй кĕввине калать хĕл каçĕ
Çил ачисем вылянăçем…
Пуртре сăпка юрри юрлаççĕ
Асран кайми аннемĕрсем.
Ертуçĕ: Аннепе нумай вăхăт хушши курса калаçмасан хĕвел пăхсан та ăшă мар.
Анне кулли – хĕвел шевли.
Анне кулли – чи илемли.
Анне кулсан – чунра аван,
Юрлас килет, ташлас килет.
Анне пуртан пурнăç аван,
Хăвна телейлĕ эс туян.
Тавах, аннем, çуратнăшăн,
Чĕкеç чĕлхи пилленĕшĕн.
Ертуçĕ: Мĕнле телей анне пурри! Чăваш поэчĕсемпе композиторĕсем аннесене халалласа нумай сăвă-юрă çырнă.
1. Пире кам ачашшăн
Чипер çын тăвасшăн
2. Кам ыррăн, хавассăн
Çапла лăш курмасăр
3. Кам пултăр? Пĕлеççĕ
Вăл – пирĕн телей-çке,
Ертуçĕ: Çак юррăн сăввине А.Ĕçхĕл çырнă. Сăвăпа пĕтĕмĕшлен паллаштаратпăр.
Чипер çын тăвасшăн
Кам ир вучах чĕртрĕ –
Пĕр-пĕр инкек пулчĕ –
Кам ыррăн, хавассăн
Çапла лăш курмасăр,
Кам пултăр? Пĕлеççĕ
Вăл пирĕн телей-çке,
Вăл – кирек хăçан та
Анчах ман çакна та
Хăш чух эпир темшĕн
Каллех тупăнать ун
Ертуçĕ: Атте-анне пурри телей. Аçупа аннуне хисепле! Вĕсемшĕн эсĕ яланлăхах ача – пĕчĕк чухне те, уссе çитĕнсен те. Санăн кашни утăму, кашни ĕçу – аĕупа аннун куçĕ умĕнче. Тĕрĕс те лайăх утăмусем вĕсене савăнăç курĕç, тĕрĕс маар утăм туни вара – хурлăх. Çавăнпа та аçупа аннуне савăнтарма кăна тăрăш.
Эх, аннеçĕм, пĕртен-пĕр анне,
Эс пире çуратан, устерен,
Çук санран çывăх çын тĕнчере.
Пире эс вĕрентен, ăс паран,
Эпир лайăх пулсан савăнан,
Çунатсем çитĕнсен, вăй пухсан,
Инçе, вăрăм çула ăсатан.
Йывăр вăхăт килсен пурнăçра,
Ачусемшĕн çунса хыпăнан,
Вăрттăн, эпĕр сисмен хушăра
Эс, мăнтарăн куççуль юхтаран.
Эх, аннеçĕм, пĕртен-пĕр анне,
Эс тухмастăн асран ĕмĕрне.
Йышăнсам ачусен парнине –
Манăçми чун-чĕре юррине.
Ир тăран та ĕç тытан.
Ир тăран та ĕç тытан.
Пахчара йăран çумлан,
Апатне лартса яран.
Ла-ла ла-ла-ла ла-ла-ла-ла-лай-ла.
Ла-ла ла-ла-ла ла-ла-ла-ла-лай-ла.
Эс сиретĕн пулмалла.
Шуçăмне те хĕвелне
Эс чĕнетĕн пулмалла.
Ла-ла ла-ла-ла ла-ла-ла-ла-лай-ла.
Ла-ла ла-ла-ла ла-ла-ла-ла-лай-ла.
Ертуçĕ: Хĕвел хăй ăшшине çĕр çине еплерех сапалать, аттепе анне те хăйсен чун-чĕре ăшшине сире парнелеççĕ. Вĕсем тĕреклĕ çуначĕ айĕнче эпир нимрен шикленмесĕр савăнса усетпĕр. Атте-анне пурри – пуянлăх. Çак пуянлăха çухатас марччĕ, тимлĕн упраса пурăнасчĕ.
ТЕСТ.(Амăшĕсем те ачасем çырса хуравлаççĕ)
Аннен çуралнă кунĕ хăçан?
Аннен юратнă тĕсĕ мĕнли?
Аннене мĕнле апат-çимĕç ытларах килĕшет?
Анне пушă вăхăтра мĕн тума юратать?
Сирĕн ача хăш предмета ытларах килĕштерет?
Сирĕн ачан чи пысăк ĕмĕчĕ.
Ертуçĕ: Халĕ вара вăйăсем те ирттерме вăхăт.
Сцена çине амăшĕсемпе ачисем тухаççĕ. Ачисен куçĕсене çыхаççĕ. Вĕсен алăсем тăрăх хăйсен амăшĕсене тупмалла.
Амăшĕсем çурăмпа тăнă. Ачасем черетпе «Анне, ку эпĕ» тесе калаççĕ. Амăшăсен хăйсен ачисене сасран паласа илмелле.
Ачасем сцена çине тухаççĕ. Ертсе пыракан аллинче чечек. Ачасем чечекĕн çеçкисене татмассерен амăшне çепĕç сăмах каламалла.
Чи çывăххи, чи хитри, чи хакли, чи ăшшă, чи юратни, чи çепĕççи, чи ачашши, чи илемли, чи ырри, чи ырă кăмăлли, чи маттурри, чи ăсли, чи тараватли, чи сăпайли, чи кăмăлли, чи ĕçченни, чи хастарри, чи хавасли.
Сценă çине амăшĕсем тухаççĕ. Вĕсен пуканесене черкемелле те сăпка юрри юрласа памалла.
Çывăр, çывăр, лăпкă пул.
Пурнăç ырă! Савăн, кул,
Уссе çитсен, паттăр пул.
Сцена çине амăшĕсемпе ачисем тухаççĕ. Ачасен амăшĕсене бантсем çыхса ямалла.
Пуç çине шар хурса ташламалла. Шара укермелле мар.
Ертсе пыракан: çакăнпа пирĕн уяв вĕçленчĕ. Пĕтĕм аннесене уяв ячĕпе тепĕр хут саламлатăп! Ырлăх сывлăх, ăнăçу, çемьере килĕшу сунатăп.
Выберите книгу со скидкой:
ПЕРВОЕ ЧТЕНИЕ. ШКОЛА ЖУКОВОЙ (ОБУЧАЮЩАЯ АКТИВИТИ +50 А5). ФОРМАТ: 160Х215 ММ. в кор.50шт
Актерское мастерство: американская школа
Школа литературного и сценарного мастерства: От замысла до результата: рассказы, романы, статьи, нон-фикшн, сце- нарии, новые медиа
Школа Флайледи: Как навести порядок в доме и в жизни
Книга тайн. Школа Эвер Афтер.
Золотая школа садовода
Математика. Новый полный справочник школьника для подготовки к ЕГЭ
Дошкольная педагогика с основами методик воспитания и обучения. Учебник для вузов. Стандарт третьего поколения. 2-е изд.
Считаю и решаю: для детей 5-6 лет. Ч. 1, 2-е изд., испр. и перераб.
Начинаю считать: для детей 4-5 лет. Ч. 1, 2-е изд., испр. и перераб.
Считаю и решаю: для детей 5-6 лет. Ч. 2, 2-е изд., испр. и перераб.
Пишу буквы: для детей 5-6 лет. Ч. 2. 2-е изд, испр. и перераб.
БОЛЕЕ 58 000 КНИГ И ШИРОКИЙ ВЫБОР КАНЦТОВАРОВ! ИНФОЛАВКА
Влияние сенсорной интеграции на ребенка с ОВЗ в дошкольный период
Успейте записаться до 17 декабря!
Номер материала: ДБ-919995
Не нашли то что искали?
Вам будут интересны эти курсы:
Оставьте свой комментарий
Ответственность за разрешение любых спорных моментов, касающихся самих материалов и их содержания, берут на себя пользователи, разместившие материал на сайте. Однако редакция сайта готова оказать всяческую поддержку в решении любых вопросов, связанных с работой и содержанием сайта. Если Вы заметили, что на данном сайте незаконно используются материалы, сообщите об этом администрации сайта через форму обратной связи.
Все материалы, размещенные на сайте, созданы авторами сайта либо размещены пользователями сайта и представлены на сайте исключительно для ознакомления. Авторские права на материалы принадлежат их законным авторам. Частичное или полное копирование материалов сайта без письменного разрешения администрации сайта запрещено! Мнение редакции может не совпадать с точкой зрения авторов.