Эрзянские Тексты Песен
Эрзянские Тексты Песен запись закреплена
Римма Жегалина запись закреплена
Римма Жегалина запись закреплена
Эрзянские Тексты Песен запись закреплена
1. Россиясо, минек Россиясо
Килей ведесь леци сэредицят.
Од килейтне валдомтозь сиясо
Ки чирева неявить чиицякс.
Мороюткось:
Россиясо, минек Россиясо
Гайгезь гайгить эрзянь, мокшонь кельтне.
Россиясо, ансяк Россиясо
Тейтерьавань сельмтне – домка эрькеть.
2. Россиясо, минек Россиясо
Тейтерьавань сельмтне – домка эрькеть.
Варштат эйзэст, ойметь тоск каясак,
Седеяк мазыйть касыть тейтерькат.
3.Россиясо, ансяк Россиясо
Гайгезь гайги тиринь эрзянь келесь.
Сонзэ эйсэ кортат – ёжот касы,
Сонзэ эйсэ морат – вити мелеть.
Эрзянские Тексты Песен запись закреплена
Ламо ульнесь, ульнесь ламо мезе,
Показать полностью.
Ансяк эзь кадово седеезэнь.
Тон — кадовить, кадовить-лиядыть,
Теке санган верень таркас срадыть.
Токшат эйсэнь, токшат оймеёжос,
Пачтят эйсэнь пшти сэредьксэнь тёкшос.
Ламо ульнесь, ды аламось кадовсь.
Тонтеметь, маряви, коштось прядовсь.
Тонтеметь, маряви, мон прядовинь,
Теке менельтомбалев кадовинь.
Чары Модась, шкась ливти монтемень.
Зяро ютась? Ие, кавто. кемень?
Ламо ульнесь, ульнесь ламо мезе.
Весемесь стувтневи, ды а весе.
Эряк потсон, майсемам-сэредьксэм,
Эряк, сехте виде ильведевксэм.
Эрзянские Тексты Песен запись закреплена
Ашо ловось прась,
Показать полностью.
Якшамотне састь,
А монь седейсэм палы тол.
А монь седейсэм, валдо менельсэ
Цитни палыця
Горнипов. Горнипов.
Эрзянские Тексты Песен запись закреплена
Вариант
Лымбить Сюротне Паксясо
Лымбить сюротне паксясо
Ломанде сэрейть.
Нуи Ваня комбайнасо,
Межaсoнть тейтерть.
Вейкесь юксост, дока Маня,
Варштась Ванянь сельме:
— Лоткавтык комбайнат, Ваня,
Сак мартонок вейс.
— Мон бу молевлинь тенк, тейтерть,
Ансяк арась шкась.
Несынк, читне кодат манейть,
Монь учи паксясь.
Ансяк зярдо сиянь росась
Зоря ланга пры,
Сувсо копачави модась,
Паксясь кашт теи,
Зярдо прядсынь роботатнень,
Сестэ тыненк сан,
Ушодсынек киштематнень,
Туян тенк баян.
Нуи Ваня комбайнасо —
Пурны парочи.
Маня капшалгавты сексенть —
Покш кудат учи.
Эрзянские Тексты Песен запись закреплена
Показать полностью.
Иля ливтне, иля ливтне, раужо кренч!
Минек нурси, минек нурси тундонь венч.
Вельть чопода, вельть чопода тонь мелесь.
А явсамизь, а явсамизь сокор весь!
Минь алтынек, минь алтынек свал вечкемс,
Ялга ялгас, ялга ялгас свал кемемс.
Эх, манчемась, эх, манчемась вельть сэпей,
Сускомазо алкукс теке гуень пей.
Весенний Чёлн
Перевод с эрзянского: Александр Курганов
Чёрный ворон, чёрный ворон, не кружись!
Не расстроишь чёрной волей нашу жизнь!
Нас качают волны счастья, мы в челне.
Тьме слепой не разлучать нас по весне.
Обещали, обещали вместе быть,
И друг другу вечно верить, и любить.
Ложь его подстерегает и меня,
И кусает, и кусает, как змея.
Эрзянские Тексты Песен запись закреплена
Тетянь кудо, нолдамак
Показать полностью.
Авань кудо, содамак,—
Рунгом-сэрем совавтса,
Седей оймем оймавтса.
Рунгом-сэрем оймавтса,
Каштан валом потавтса,
Алов-алов комавтса,
Кияксонтень токавтса.
Вай, мерян мон, авакай,
Вай, мерян мон, корьмакай:
Кува ютнинь — а ютнемс,
Косо ульнинь — а ульнемс.
Вай, мерян мон, тетякай,
Вай, мерян мон, тирякай:
Мезе маринь — а марямс,
Мезе неинь — а содамс.
Яксинь латко-луткова,
Ламо ломань юткова,
Олгонь-калгонь сэднева,
Тундонь салы веднева.
Яксинь покш киулова,
Чинь пева, чейбулова.
Яксинь-яксинь — топодинь,
Пицевинь ды лоподинь.
Вай, мерян мон, авакай,
Вай, мерян мон, корьмакай:
Кува ютнинь — а ютнемс,
Косо ульнинь — а ульнемс.
Одксцёраксчим сравтния,
Эрьва козонь правтния,
Верьга-алга ветния,
Пиже чувтокс петния.
Пици сельмсэ ваннымизь,
Кельме валсо валнымизь.
Кувать мейле сэрединь,
Кувать лемем кепединь.
Вай, мерян мон, тетякай,
Вай, мерян мон, тирякай:
Мезе маринь — а марямс,
Мезе неинь — а содамс.
Кумажава грехс совсинь,
Карксамова грехс вайсинь,—
Рудаз нардат — нардави,
Обуцясь — а кардави.
Пурдасть прям — эзь пурдаво,
Пурнынь превть — эзть пурнаво,
Сайнинь канст — эзь кандово,
Сайнинь долкс — эзь пандово.
Ох, килангов кучицян,
Ризныцян ды учицян,
Ох, авакай-корьмакай,
Ох, тетякай-тирякай…
Эх, пурныцян-сэрницян,
Эх, монь кисэ эрицян,
Теде тыненк а ёвтамс,
Теде тыненк а содамс.
Яксинь-яксинь — пачкодинь,
Ансяк ней мон чарькодинь,
Ней мон карминь содамо,
Питненк-сэренк кодамо,
Кодат кить тынь ютыде,
Зяро ойме путыде,
Кодат зыянт печтиде,
Кода эйсэнь вечкиде.
Тетянь кудо, содамак,
Авань кудо, нолдамак,—
Рунгом-сэрем совавтса,
Седей оймем оймавтса.
Рунгом-сэрем оймавтса,
Каштан валом потавтса,
Алов-алов комавтса,
Кияксонтень токавтса.